Zordi, c’est la grande rentrer scolaire dan moris. Banne zeleve finne bien prepare zotte davance pu sa zour la. Li possib ki zotte ine bliyer kit cahier ou bien plumier mais paker cart la zotte pan blier.

Ena 2 zouer ki zelev content zouer: TF(President) ek Satat. Mo koz lor Satat zordi.

Vre nom zwe la c’est “Sath Hath” i.e. “sept lamain” en Hindi. Dans kreole, nu dire simplement Satat 🙂

Sa zouer la deman impe strategie mais li simple. Procedure:
1.0 Fanne paker cart la.
2.0 Saken swazire ene cart.
3.0 Sakin gagne cart pli feb (A conte feb), li mem pu bizin swazir troupe.
4.0 Lequipe adversaire bat carte la ek donne 5 carte piti ki ti bizin swazir troupe la ek li swazir troupe la.
4.1. Si dan premier 5 carte la pena figure (K,Q,J), li kapav refer bat cart la.
4.2 Partage ban leresse cart la. Tout dimoune bizin gagne 13 cart.
5.0 Piti kin swazir troupe coumance match avek so ban cart pli fort.
5.1 e.g. Si li met ene coeur, zotte tout bizin met coeur. Lekip kinne met coeur fli fort gagner lamain la.
5.2 Si ene piti pena coeur, li kapav met ene troupe ek lamain la vinne pu li.
5.3 2 coeur pli fort dan zouer la. Zotte kapav met li quand zotte envi.
6.0 Lekip saki gagne 7 lamain en premier gagne match la.
6.1 Banla mem pu swazir troupe prochain match.

Cot:
Si ene lekip gagne 7 lamain ek lekip adversaire ena 0, lekip adversaire la bizin pay ene troupe saken prochain match.

Dans la realiter, tellement banla exciter, zotte blier deman zotte troupe avek banne perdants la. TVR 😛

Cot 52:
Pareil cuma cot nek ki ene lekip gagne 7 lamain. Lerla lekip perdant pay 2 troupe saken. Exitation pli fort, ena pli sance ki blier deman troupe 😀

Renonce:
Si couper lor ene sign ki li ena dan so la main ek li zouer sign la aprer, be lekip la bizin pay 2 troupe saken.

Partage cart ek direction zwe:
Monne tan dire ki Ena ene la lois ki bizin partage cart coter gauche ek zwe coter droit. Kiken kav confirm sa?

Amize zotte ban zen. Ek pa blier enpran ena prioriter. Zouer cart avek moderation 😉